بعد مفيد توضـــيــــحي _ وشر حاي
وأبد ميهمني شر ميت _ وشر حاي
مسرتي و فرحتي كلها_ وشر حاي
عشتها بيوم كعدتنه سويـــه
للشاعر . جبار فرحان العكيلي .
.............................................
أصد و أزعل وأدير العين _ طبعآ
لأن لجمات الك بالكلب _ طبعن
حلو وتنحب ولكن بيك _ طبعآ
تشك وتغار من روحك عليه
للشاعر . صبح الهلالي .
............................................
الورانه يضل ورانـــــــه _ ما يعدنه
وخسر كلمن بصحبه _ مايعدنه
الجان الخبز عنــــــده _ ماي عدنه
باجر من يغص من ينطي أميه
للشاعر . غسان المكصوصي
............................................
شبيهك بالحواري العيـــــن _ يندار
و لجدامك فرشت الـــــروح _ يندار
نذر عمري اعله عمرك كون_ يندار
وشكو عندك علل تندار بيه
للشاعر . ناظم الحاشي .
...........................................
حلو طبعك حلو و حباب _بس بس
تصدك اشما بذانك بشر _ بس بس
بسك من حجي الينكال _ بس بس
حجي الناس اشوراه غير الاثيه
للشاعر . رياض الركابي .
..........................................
أملازم حزن دهري _ لازماني
و لاصاحب فزعلي _ لازماني
صم جمر بيـــــــدي _ لازماني
حركني وما كلت محتركة اديه
للشاعر . معتز المياحي .
........................................
حرت ياهو النــــــــجـــــزة _ والنظيفه
ابسبب انخبطت الوصخه _ النظيفه
صفه حتى الــــــنــــــزورة _ النظيفه
يذب شكواه قبل الجودليه
للشاعر . يحيى العلاق .
.........................................
.